1.     SHIE U GBILINIGH KEN INYÔM

Orhemen: Se er nen msen.

Aôndo Ter Uhembanagee man U tsôron, se sugh U sha ian i U ne se sha u wuese We ne.  Ver se man kura ityôm yase cii ken Laadi ne, kosu mkaanem Ou ken asema ase sha er maa kura se sha akaa ase a ôron man a eren kpaa yô.  Ken Kristu Tor wase.

Ior:     Amen

2.    SHIE U ADVENTE 

Orhemen: Se er nen msen.

Aôndo Ter Uhembanagee man U tsôron, se sugh U sha ian i U ne se sha u wuese We ne.  Se sôn mhôônom Ou, Tere, sha er sha msuwe u mkaanem Ou ma U ne se la, se sor mbamshi asev man se wa ago iyol sha aci u uiniongo mba ve lu van la yô.

Ken Kristu Tor wase.

Ior:        Amen.

3.     SHIE U KIRIMISHI

Orhemen:  Se er nen msen.

Tere, se rumun se Yesu yange va sha u va tesen se er, er se gbe atsan nahan kpaa, se nôngo u lun er yange tese se nahan.  Se mba soon iwyasen hen a We hanma iyange sha er uuma asev ve a doo U, man shi ve a doo anngbyanev asev kpaa yô.

Ken Kristu Tor wase.

Ior:      Amen.

4.     SHIE U LENTE

Orhemen:   Se er nen msen. 

Tere, se sugh U sha aci u shie u Lente ne.  Gadia shie ne ngu a tese se, man a umbur se er i lu hange hange sha u se nôngon a uuma asev ser ve lu kposu yô.  Ver iveren sha iniongon yase ne.  De deen we, se gba wer sha aci u fatyôga wase ne ga.  Kpaa na se umbur ser, ken a We yô akaa cii aa fatyô.  Ken Kristu Tor wase.

Ior:        Amen.

5.     SHIE U ISITA

Orhemen:   Se er nen msen.

Tere, U lam a vese sha mkaanem Ou ken Bibilo, ken atsam man ken mbamsen kpaa.  Se mba sughun We sha mne ne.  Hegen se mba pinen We ser kura se ken Laadi u a lu van ne cii.  Ken atsan ase a yan cii kpaa na se umbur ser U ngu ikyua a vese.  Kura ityendezwa You i u tende a vese sha uma man mhembe u shin ku la ken asema ase.  Ken Kristu Tor wase.

Ior:      Amen.

Shie u Orhemen un a been msen ne yô, a lu er akaayôôn nga yô, a yôô a.

A EREN A KUREN

Orhemen:            Ter a lu a ven.

Ior:                       Man a Jijingi wou.

Maa Orhemen man Ior cii ve a er Ikyav i Terankon sha ayôlave er Orhemen un a za hemen tswen nahan er:

Orhemen:            Aôndo Ter A na se ivyeren, ken iti i Ter, man Wan + man Cighan Jijingi.

Ior:                       Amen.

Orhemen:            Anngbyanev, hegen Adua ne bee, se za nen saan saan a icam zwa.

Shin

Za nen, za yôô nen Loho u Dedoo u Ter.

Shin

Za nen ken bem, civir nen Ter sha uuma enev.

Shin

Za nen ken bem.

Ior:    Ishughun i lu hen Aôndo.

Maa ior cii ve a ger icam i been.  Orhemen un a ngurum ve a mbawasen un mbela tsembelee ve a na icivir sha Atse er ken mhii u Adua nahan, maa ve a due.