OSALUTARIS
Waniyôngo u kun a u war se u bugh umache hunda u Tartor mbaihômov yisa se cica van a se agee ou la.
I wuese iti You gbem sha won Aôndo u tsôroun U tar ken môm na ayange ase angee gbem je. Ken ijiir You awe gbem sha won. Amen.
TANTUMERGO
Se gure nya u nengen sha zege sakeramentu ne, Kwagh u he ne a hemba akaa ngise je, mlumun na se tahav u nan jighjigh, er se nenge ash ease ga kpaa.
Se wuese man se ember Ter man Wan, Iengem, icivir, tahav kpaa, I lu a We gbem je. Man se wuese Chighan Jijingi, Wen U A dugh ken Ter man Wan, vough er Se nahan. Amen.
FADA/DIKEN: Uyôr ve sha kwaghyan u sha tartor (Alleluia)
IOR: Ka kwaghyan u hemban nyohon je (Alleluia)
FADA/DIKEN: Nahan se er msen;
Aôndo, ka We u yem se sha sakeramatu Wou U Civirigh ne ye. Na se mba zamber a We, gratia u civir I nan hen sakeramentu u Iyol kua awambe a Ou, nahan se kav tom u myom Wou ken avse gbem. Ka We u lu uma man tahav, zan zan mayange a kera bee ga. Amen.
IWUESE HEN AÔNDO MAN MBAJIGHJIGH
Se wuese Aôndo, (mlumun u Ior: Se mbawuese Aôndo)
Se wuese iti na I tseghan, (se mba wuese iti na I tseghan)
Se wuese Yesu kristu, Aôndo u mimi man or vough er se nahan
Se wuese Ishima I tseghan I Yesu.
Se wuese Yesu gadia A haa awambe Na sha injaar I vesen sha aci wase.
Se wuese Yesu Kristu ken Sakeramentu u Iyol Na kua Awambe Na.
Se wuese Aôndo Chighan Jijingi, Orsurunshima wase.
Se sugh Maria, Ngô u Aôndo.
Se sugh Maria, u mayange a lu a amishe a kwaghbo ga.
Se sugh Maria sha mkende na sha tartor.
Se sugh Maria sha iti Na, u a lu iniunkwase ngô uYesu
Se sugh Yosev, orkuran u Oryiman.
Se wuese Aondo, se sugh mbatyomov man mbajighjigh Nav cii.
ADORAMUS
Se civir Sakeramentu u Iyol I Yesu gbem,
Wuese nen Ter, ne akuraior cii, civir Un ne ior cii
Gadia erdoo Na a vese kehe yum.
Mimi u Ter kpa ka utsôrun gbem sha won
Se civir Ter man Wam man Chighan Jijingi
Er i lu hihii, man zan zan hengen zan zan mayange a kera bee ga. Amen.
Se civir Sakeramentu u Iyol i Yesu gbem.