LU NEN GUNGUL MOM

Yange ka va kuman u or u ngenegh una kpe yo, a yila mbayev nav mba hen ya man mba Ken toho cii er ve va, un ngu a kwagh u oron ve, MBA za ve yo, Ter ve too ikyar I wese(chincha) na hanmo ve er nena nongo amin Nan kever, hanmo Nan nongo amin kpa Nan faityo u Keven ga, MBA been Shi ka hemban ve cii u kever yo man a dugh wese (chincha) ne mom ana hanmo ve cii er nena kever, ve kever gbenger chincha la mom ngôô ve ga.

Nahan a masen pasen ve ija I iwese gbim yo or Nena faityo u nyoron Ken a ve vihin ve ga, kpa aluer u venda u luun Ken mzough mom u tile Sha tseeneke wough yo u faityo ga, kwagh una gbau a orngenegh, orngenegh kpa kwagh una gba Nan awe. Ya una Doo ye. Kpa kwe ka ua pav yo, Imiogh ka inyor, inyiman.

Ken kwaghoron wase u hiihii la, va hingir hange hange u MBAAPOSTOL vea er ishangen I tsuan or u Nena too I an I Yuda wan u sakarioti u yange Yesu mker man gema sende iyol na.

Hemen u MBAAPOSTOL lu a mchien kpishi u undun iam Yuda la luun gbilin. Peteru nenge er Doo u hiden ivin Ingyer I MBAAPOSTOL Sha er tom u taver yum ga yo.

A or er Inger Ken upasalami nahan er (69:25; 109:8) Sha u tesen hange hange

U veren or Sha ityough ki Yuda u ivin Ingyer I MBAAPOSTOL. (AERENAKAA A MBAAPOSTOL 1:20).

Gba u akaa ahar a lu hange hange Ken ishangen I tsuan or mom ne.

Ka keng u Nena lu u yange Nan hii Sha ayange a Ter Yesu lu a vese la cii, hii Sha baptisma u YOHANE zanzan ar Sha iyange I itoo in avese I yen a na Sha la, man orshiada Sha kwagh u mnder na la avese imongo. Yange I Mase tsuan Mataiase.

(Aluer ka Sha ayange ahenge ne nahan Josituusu man ayen ajiir shin Tribunal, man a za appeal keng keng je) kpa er orti yange gba ishangen kpa yen a ijiir Sha Tribunal ga.

Pati uhar yange man ve due…

JÔSITUUSU… se mba ngohol

MATAIASE…. Se mba Nan ga

Man I or ajiir man I Kuma iyol.

Ingyer I MBAAPOSTOL hide iv her puekaruhar hingir GUNGUL MOM,

Mlumon, u yange Yuda hembe kera la hide her.

Ken loho u dedoo Ter wase YESU er Msen nahan er man ve lu GUNGUL MOM, hide Ken avese kpaa se mbadondon MBA nyian ne, man se kwaghmon er Un kpaa un lu kwaghmon vea Ter na Aondo nahan.

Se pine nahan ser? Er Nena ve sar Yesu tsung shi er Msen er man ve Mom?

Ken ikyuryan I tse, se nenge er GUNGUL MOM u lu hange hange yo. Ken Salm 133: 1, I kar avese er, “aluer angbianev vea tema imiongo, ishima ve ia lu môm yo, adoo yum, a hôm kpaa.)

Nenge ka I Doo shi I engem Ashe kpaa shie u angbianev ka ve a lu GUNGUL MOM, Ken mzough mom (mzough ka tahav)

Ken Genese 11:1-7, I kar avese er, Tar cii lu zwa môm, lyam kpaa môm…

Mzehemen ve cii lu Ken mlumon, GUNGUL MOM man ijooave I ve lu a min la yo hanma kwagh u vea zua ave u vea er yo ve er, mzehemen lu er ve lu maan towa u Babel.

Ijooave I lamen iyol i i.

Ka ilu nyi ve umache u due Ken iyav mom, akera zuan a u ngenegh ga

Ka ilu nyi ve u we u na angbian kwagh yo u gema u na ortyotyev

itsombor pav, sar avenge… De ze nen hen hunda u via ga, de ye nen kwaghyaan u via ga

Se vea mba via se mba zuaan ga

Ka mo me teseu hen ijiir I u za shin u za ga ye, mo vea via man via se mba kera lamen ga, nahan de zaan hen hunda na ga

U gba iyongo a angbian wough, u Soo we hanma or Nan lu ityough gondo a or u u gba iyongo anan la? Yongo kpa peren er ka laagh nahanaa

Se har nen Dooshima u orjighjigh YOHANE a or se kwagh Shami Ken kwaghoron u Sha u har la.

Ka Dooshima Man bem vea na se lu Ken GUNGUL MOM ye.

Nyian Eklesia u Katoliko ngu wan wa se cii kwagh er, er se lu keghen mve u Chian Jijingi nahan, se nyor Ken kpo-yough u eren Msen man luun GUNGUL MOM.

De luun or shin kwase u vaan a mpaa ga, tese Dooshima.

Gratia u Aondo ana se cii se lu GUNGUL MOM, mlumon, ijoozwa, ijooave, ishima imom Ken Dooshima Ken Kristu Tor wase, Amen.

Revd Fr Albert Torsar BITO, CM

*St Francis Quasi Parish Akpen Makurdi Diocese