INYOM I “A” (10/5/2020)
Aerenakaa a mbaapostol 6:1-7; Salm 33:1-2.4-5.18-19 (R.22); I Peteru 2:2-9; Jôn 14:1-12
I TINEKWAGH: YESU KA GBENDA, MIMI MAN UMA.
Angbianev mba doom Mo ishima Ken Kristu, nyian se mba eren adua u Sha u taan u MNDERSHINKU U YESU.
Ken akaaoron ase a nyian ne, Eklesia ngu wan se cii kwagh er man se kav er Yesu alu gbenda, Mimi man Uma yo.
Shie u Aondo er ityendezwa a mba Yuda er un ngu tindin ve a oryiman yo doo ve kpishi, kpa mve man m ertom u oryiman ne, mbayuda kpishi Na un jighjigh ga, Shi er Yesu lu eren u ivande wuee Nahan je kpa, asema yina ve, ve lu a ishimaverenkeen oryiman di tso, u Una va er Tom sha u Taha Sha Shima I mbayuda la.
Ka Nahan man Yesu akaa a MBAHENEN NAV er: Asema ade te ne kwe ga, Na nen Aondo jighjigh, Mo kpaa Nam nen jighjigh, ken ya u Terem ayou nga kpishi alu nahan ga yo, ma M mkaa ne…. ( Jon 14:1-2)
Kwaghoron u Yesu ne tese ikyav er Yesu Ka gbenda u se cii se kaa shami man se nyor Sha ya u Ter hen ijiir I iyou yough man iyou Yan ilu la. Ka Sha Nahan man er Filibu pine un er Tere tese se gbenda Nahan a gema akaa ana er : Un vea Ter Ka mom.
Ior mbangenegh kpishi kera soo u Karen Sha gbenda hengen ga. Ka se Tema Sha uyav asev man se kenger ijiir I se soo u zaan her la ken ishima, man se hen se man se er ‘or andiir a oo, or andiir ase’ man se za gba hen ijiir la man angbianev, ‘atser-a-se ma amin ga’ saa se kaa Sha gbenda.
Ior mbangenegh Venda makeranta u henen, kpa mba Keren satifikat aa akundu a dedoo ne Shami.(angbian u hen we mba teen satifikat ken kasua? Dem kera I gema teen ayange ne aa akundu a dedoo ne shami)
Ijiir I mkpeiyol yase Ka Sha ya u Ter, man gbenda ngu u hanma or wase nena kaa shami cii man ve nena nyor Sha ya la yo, Ka hen Yesu Kristu. Aluer se Na Yesu jighjigh ga yo, ‘atser-a-tse’ wase Una ma min ga.
Se mbangenegh se de gbenda ne wa Toho, avule nga Shami, apev, agungu man ujen. Se sôr nen gbenda ne u wanger Wang Sha er se kaa shami se za nyor ken ya wase hen ijiir I Yesu a er ityendezwa a vese la yo.
Ken Tom eren u Yesu cii tile sha Mimi, Mimi Ka kwagh u se cii se kor ken we ve se rumun er I er a angbian u ngenegh chaveragh ga Shin se kpa se er ieren I Mimi yo. Ka Nahan man ken kwaghoron u hiihii la, mbaapostol nenge er Mimi kera lu ga man ahom gba hen atô u mbagrika man mbaheberu Sha Chi u iwa kasev vev mbacôgholov vev iko sha gbayol ve u ayange ayange ga yo, mbaapostol kaa ior er ve tsua ior (U Diakon)ken Ave mba vea nengen Sha mkpeiyol ve yo.
Mimi tarver, Aie kighir Mimi Shin nya. Ne mba ne eren ityom Sha ikev I ior yo, nenge nen er Ka I lu bonyooon Nahan kpa, I kaa er, er kwagh u se kaa er we u er yo, Ka u nenge a kwagh u a lu u nyian tetan tetan Nahan tati ve Venda er Ka nyian ga Ka pupur, ifer, anyie, igyato, iv, Bo, cii iv se mbangenegh ken asema. Aie Tema Tor, se mbakristu kpa se mba tesen mkposo ga.
Aluer or ngu oron Mimi yo tar u a soo nan ga, aluer u tile Sha Mimi yo ulu a gogonogo ga, kpa se soo se tar u soo se, Shi se lu a NONGOIOR, Yesu yange tile Sha Mimi Ka Nahan man mbayuda kpishi soo un ga ye, kpa fa we, iwen I mbamaan ve vende I la Ka I hingir I Sha Zongo.(1 Peteru 2:4-5) Aluer se mba oron Mimi yo se lu er Ka iwen i ivenda I Nahan kpa se va hingir Sha Zongo.
Ken mtsua u Yesu yol Na kpa tsua mbapuekaruhar Sha u wasen u tom, shi mbapuekaruhar kpa Shi tsua mbangenegh (u Diakon) u taan kar uhar u wasen ve Tom ne tese ikyav er Doo u se lu a ior mba wasen se Tom, aluer u ngu aior mbawasen we Tom yo Na ve iam Shi Na ve jighjigh ve er Tom ve, tese ve er igba u vea er yo, vea nzuur yo, koon ve de ngohol Tom ve eren ga.
Se mbangenegh Ka ana se orhemen ken mzoo yo se hen se Ka Kwaghfaan u se fa yum la ve Ina se hemen ye, se ngohol Tom u akawe se eren man akawe alu Uma her, se ngohol Tom u torikpa se koson Shi se vihi nyaregh er se soo la. Ior mbangenegh ya Tom Ka iti tseegh, mbarumun er ve er Tom ga.
Orhemen Na hanma ortom ian Nan er Tom u Nan kwagh Una tsume yo sor a sôr de ngohol Tom la eren ga.
YESU KRISTU Ka UMA, se Na nen un jighjigh Sha er se cii se zua a Uma u utsoron gbem yo,
Uma wase man alu a ija Sha nyi aluer Kristu Una va er orpaan wase ga yo? (Agwe u isita)
Asema a de taan se kwe ga, ayou ase nga ken ya u Ter Nahan se dondo ne Sha Yesu un u Alu gbenda, Mimi man Uma ne Sha er shie u una bee u soron ayou ase yo, Una va kua a vese se Yen Sha ya u Ter.
Se er msen Sha u Uma u mbafada asev Fada Andrew Igbana man Fada Philip Utile mba Yesu asôr ayou Ave abee Ava kua Ave ayen Ave ken ya u Ter la man mbakpenev mbajighjigh cii ve men ken Bem Sha mhoonon ma Aondo, Amen
Rev Fr Albert Torsar Bito CM
St kizitos Parish kuje Abuja Archdiocese
