Aerenakaa a mbaapostol 2:14.22-33;
Salm 16:1-2a & 5.7-8.9-10.11 (R.11a);
1 Peteru 1:17-21; Luka 24:13-35
TINEKWAGH: MAN KWAGH SHUN YO HINGIR GBIMIIN??
** Ashie nga ken Uma a Ka se ver ishima er man se zua kwagh, se ker Zan Zan man I va lu ija er kwagh shun hingir GBIMIIN Nahan?
**Ishima Ka iva yina se Sha kwagh, se Yen henen akaa a ngenegh, se mba ngenegh je yo se lam chaveragh je kpaa.
**Shie u ngenegh yo Ka se kera va nenge a ija ken kwagh u se wa Ave u eren la kpaa ga, ilu se er se undu se kaa her kera Nahan (se mbangenegh je yo se kera nenge a ija u zaa adua kpaa ga)
De mpine kera, ER I MASE LUUN NAHAN ISHIMA YINA OU SHA KWAGH VER? Shin kwagh kera za Sha aver ishigh wou ga ver?
Ka kwagh u Eklesia u tseaghan u katoliko a ver ishigh Shami u oron man waan se cii kwagh hen sev mbu nyian je ne.
Eklesia ngu pasen se gbar-gbar Nahan er, ken ijuur kwagh man Ken ishima yinan yase cii kpaa, AONDO kenden mbayev nav ga.
Loho u dedoo ôr se cii kwagh Sha zende u mbauhar ken Ave, ve lu Zan ken wangar u I yilan er EMOU ica Na a yerusalem Kuma er umail anigheni Nahan. Ken zende ve ne ve lu oron kwagh Sha akaa a cieriyol a A er ken yerusalem yo, kpiligh ve you kpaa.
Er mbauhar ken Ave mban ve lu ken mtsum Nahan ve lu Keren ijiir i vea za men a u Uma vev yo.
Er Yesu va ande hen ato ve Nahan je kpa, ve kav ga. Ken injur I ve lu amin ken Asema ve, ve lu henen er “MAN KWAGH SHUN YO HINGIR GBIMIIN? La, A ta ve IWANGER, Sha ciu ve kaa ga, Shi ve timbir u Nan akaa a u Uprofeti jighjigh, Nahan mba zuan a iwanger er ilu Yesu ve lu lamen ana yo, A ndiir hen atô ve, Asema hii u yeghen ve ker, ve mough ve hire ken yerusalem.
Se mba dondon kpaa asema Ka a yina se shie u ngenegh se tume Toho se ver ishigh u yemen, hen ijiir se soo u zaan kpa se fa ze, se gba num a Aondo je kpaa, Sha u zaiyol mba se zua amin ken Uma asev.
U se lun mba dondon mba Mimi yo, saa se kav icham I ilu ken u lun or henen u Yesu cii man se va nyor ken i iengen I been mayange ga la ye.
Aluer u ngu Yan icham Sha Chi u iti I Yesu kpa de henen we MAN KWAGH SHUN YO HINGIR GBIMIIN? ga
Shie u Yesu Una va ande hen awe yo, u zuan a msaanyol. Se hingir mba yoon loho ne man u pasen tar cii akaa a dedoo.
M ande u Yesu hen mbauhar mban tese se cii ikav er Ka Yesu tsegh Una faityo u duen a vese ken ijuur kwagh man uzaiyol asev cii man Nan se mkav ye. Man Ka ikyav I myoom u isita je ne.
Sha ku wou la
U hemba ku Agee
U moughon Shin ku yo
U hide se a Uma
Tor Yesu va a iengem.
Se mbangenegh kpa tar nzughul avese, ta se acho se mba vinen ningir a ningir, se hingir tumbuluu, Gboughol. Asema nga yinan se
**Ka se a er antom u Sha Wer kpa I kimbi salari ga. Kwagh u salari a hingir gbimiin (MBA-PENSHON ZENDE A GBENDA YAV A YAV SHA GODOBI JE KPA FAITYO GA)
**Ka we a penda an kasua u teen kpa or nan pinen er ‘how much’ tso kpaa ga.
**Ka wea lôr iyiav Shin nya kpa MBA-AHEMBA-CII ve kaa er we u ya ga.
**We a agbyidye wanbacha wou we a yaa ker kpa MBA-ZEDEN- GUTU-GUTU ve hedan er sar we u kusu Ashe u Kôr ga, Ka di mnyam ma chier we.
**Mba uange mba vaan Sha u yav er gbenda u Kobo u yamen ishangechi u lu ga yo, ayol achii ase kpa doo ga.
**Kua di an iniongon yough sha iusa yough kpeje-kpeje u we kpa u Tema a Shi ikpe ou iyol ne “1million boys” Ka ve keen a ker ija er ve tindi u kasua nahan.
Akaa ne Na yo kwagh tsume umache Yen Cha, Tom nger, I Shima vihi ker, Uma kera saa mbangenegh ga, man se mbangenegh se undu yerusalem se tombo tyough u yemen zende u umai anigheni.
Ken uzaiyol cii kpaa AONDO kenden mbayev nav ga, hengen tar Sha won cii ngu ken zaiyol u angev mbu Covid 19 Nahan je kpaa yo, se umbur nen ser, Aondo kenden mbayev nav ga. Ken zende wase ne Ka se tsegh ga (Mt.28:20). Iti Na er Immanuel … Aondo ngu avese (Asaia.7:14; Jôn.1:14).
Aondo duen a vese hanma shie u se gba ken kwaghbo cii yo.
Sha tsuaa la ken Genese
28:10-22 Aondo yima Yakob shie u lu yevese ishigh ki Esou yo.(Gen.28:10-22). Aondo Na Yakob ivyeren wuee. Iserai Sha mper u ifi AWAMBE (Ex.14:1-15:21),
Er ayima ve Sha ikyev I igipiti yo Shi ana ve tahav mbu peren ifi Nahan.
Ken ikyuryan I he kpaa, Aondo due a ior nav Sha ashie kposo kposo.
Awar Peteru man Jon ken purusu (Aerenakaa a mbaapostol 4); Saulu lu eren mba dondon Ter Cham Nahan Shi yima mbaapostol ken damaseku (Acts 9).
Nyian kpaa se nenge m ertom u AONDO ken Uma u mbauhar ken loho u dedoo mba ve ver ishigh u Yemen EMOU,
…Una due a vese ken angev mbu Covid 19 kera, se za nen hemen u oon Ave yange se chion ikegh ruam Keng, awuhe se ken ayol yange abugh ihinda I Gar Keng. Ijen di tso yo se kpe ga.
….Penshon wou kpa akimbi un Keng, wa ishima ‘hingir gbimiin ga’
….Ankasua wou kpa u yange or nena pine ishe, Una saa Sha tebul ga.
….Ansule wou kpa u Sunda kwa ne, je u wa ajia, uya Shi u za kasua amin kpaa.
….Mnyam kpa u yav u kusu Ashe, myam kpa me a chie we ma dedoo.
….Iyav mbu ikyonkwase kpa mbu a bur, onov vea due, ahina je kpa u Mar.
….Angev mbu a wanger, u ta gbough kera u tsue Sha, u yoo hosanna.
….Er se wa hwer ga Nahan Ka pe Ijen kpa I A kor se ga je la, u kor ikyaa u kaha Shin u hura tsa wou.
KWAGH SHUN UNA KERA HINGIR GBIMIIN GA
Umbur hanma shie cii we, ken zende u Shin tar ne, u ngu we mtswem ga. Aondo Ka ijende yough, aluer se ya ijende a Aondo yo, ma kwagh mom ken u Uma asev je kpaa Una sar GBIMIIN GA ken iti I KRISTU Tor wase Amen.
Rev. Fr. Albert Torsar Bito CM.
St Kizito’s Catholic Parish kuje Abuja Archdiocese
