Mpase U Asorabo (Confession) Inja I Pasen U Asorabo
Sakramentu u pasen u Asorabo nyi?
Sakramentu u pasen Asorabo ka u den asorabo a vesen man a kiriki kpaa a se er ken hemen u Baptisema
Ka hanma shighen Ter wase Yesu Kristu na se Sakramentu, u pasen Asorabo?
Ter wase na se Sakramentu u pasen Asorabo iyange i akaa a mba Apostoli er “Aluer ne de ior asorabo a ve yo, i de ve a je ve, man aluer ne de ve asorabo a ve ga yô, i de ve a ga je ve (Yohane 20:23)
Ka nyi se vande eren sha u za pasen asorabo?
Se vande eren akaa anyiin
- Se er msen er Aôndo A na se gratia sha u pasen asorabo dedoo
- Se wa iko sha u henen sha asorabo ase dedoo.
iii. Se zungwe sha asorabo ase dedoo.
- Se taver ishima sha agee a Aôndo sha u vandan hanma kwaghbo man u eren ieren i dedoo ken hemen.
Ka se pase asorabo nena?
U pasen asorabo ka u se ôô ijir ayol ase, man shi se pase asorabo ase hen fada u a lu a agee a den asorabo.
Fada ka a de asorabo nene?
Fada ka a de asorabo sha agee a Aôndo shighen u ka Akaa er “M de u asorabo Ken iti i Ter man Wan man Cighan Jijingi”.
Inja i mtsaha ka nyi?
Mtsaha ka Kwagh u kimbin sha asorabo ase. (Se seer sha mi sha ieren keng, man u yan ican man se zua a indulgence).
Inja indulgence yô ka nyi?
Indulgence ka mde u mtsaha u Nongo u katoliko u ne, sha aci u been mtsaha u kwaghbo u a shi her. Shighen u ide Nan asorabo yô.
