- Baptisma: Baptisma ka nyi?
Baptisma ka Sakramentu u wanger se amishe a kwaghbo, man u eren se mbarumun mba Kristu, mbayev mba Aôndo man u lun ngohol u Kristu.
- Ka nyi i lu amishe a kwaghbo?
Amishe a kwaghbo ka isholibo i zough a mi ken dyako u Adam, or u hiihii u a hii nongo u ior cii. (Dyako u Adam, hanmaor i mar nan Ken amishe a kwaghbo sha aci u kwaghbo u mba hiihii u mbamaren asev la, a Sen sha avese, isholibo la ia lu zan saa wan la nana er Baptism, sha baptism isholibo la ia bee purututu).
- Ka nyi i lu kwaghbo u Adam man Ifa?
Kwaghbo u Adam man Ifa ka er ve civir Aôndo Ter u A gba ve man A na ve uma u iember la ga yô. (Adam yan er kwaghbo sha u Hemban ato yan ataan a kon a itswer un la).
- Hanma or nan ngn ngn a amishe a kwaghbo ne?
Hanma or i mar shin tar ne yô nan ngn a amishe a kwaghbo ne, saa ikungun Maria tsegh a lu ami ga ye.
- Sha aci u nyi Aôndo er Maria lu a kwaghbo ga?
Aôndo er Maria er a lu a kwaghbo ga sha aci u Maria lu Ngo u Yesu Kristu, Wan u Aondo, I wa yav sha kwaghbo ga” (Ka Cighan Anna lu amise akwaghbo ye. Kpa wan na Maria yô lu a kwaghbo mayange ga cii).
- Baptisma a de se asorabo ase kpa?
A de se asorabo a se eren ayol ase kpaa, man mtsaha u a cii perapera, kpa aluer se zungwe gayô, mayange a de se ga
- Ka an nan eren se Baptisema?
Or u eren se Baptisema ka Fada. Kpa alu or ngn nongon ku man Fada una lu ga yo, hanma or u nan fe er ieren Baptisma nana er nan. (Inja i hanamaor ka or shin kwase shin wanye kpaa u nan fe er ieren Baptisma nan er nan).
- Ka i er Baptisema Nena?
Mba eren Baptisema sha u haan mngerem sha icul man u ôron her shighe la vough er; mngu eren we Baptisema ken iti Ter man Wan Cighan Jijingi.
- Ka se tôndozwa sha shighen u i lu aeren se Baptisema er nena?
Ka se tôndozwa er, se venda Satan se gema ijime sha tyom na, man iengem na cii, se tsenda i kera perapera.
- Baptisema ka Kwagh u se eren keng shine?
Se mba eren Baptisema keng sha aci u myom wase sha u Kristu a kaa er saa a Mar or sha mnger kua Cighan jijingi ga yô, nan fatyô u nyôron tartor u Aôndo ga (Yohane 3:5)
- A hii Nan man se pase er ityesen I Aôndo a tese se ken Yesu Kristu ngi I se rumun keng?
Se fetyô u pasen ser ityesen I Aôndo A tese se ken Yesu Kristu ka I se rumun keng sha aci u:
Yesu Kristu er un yôô lyol Na er Un ngu Oryiman man Wan u Aôndo u mimi yô gema pase ityesen i ior cii vea rumun yô.
Kristu yange er akaa a kpiligh iyol kpishi Nahan Kwagh ne tese er Aôndo u mimi rumun a ityesen na.
- A hii man se fatyô u pasen ser Kristu er nongo u ior cii ve lu sha u za Kohol heleghe?
Se fatyô u pasen ser Kristu er nongo u ior cii ve lu sha u za Kohol her sha aci u.
_ Un Kohol mbahenen nav man Ayila ve er nongo na.
_ A tôndozwa er nongo ne u a lu zan zan mkurtar
_ A kaa er ior cii ve rumun man ve er Baptisema, inja na yô er ve Kohol, hen nongo na ne sha aci u ver war yô.
- A hii nan man se pase ser ka nongo u katoliko tsegher u lu nongo u mimi u Kristu?
Se fatyô u pasen ser ka nongo u katoliko tsegher U lu nongo u mimi u Kristu sha aci u.
_ Ka nongo u katoliko tsegher u lu a nongo u Kristu yange er la ye, inja na yô er Ngu môm Ngu tsegher, Ngu katoliko man Apostoliko kpaa.
_ Mhen u Mbayiase u Nongo u Katoliko na se ian i tahav mbu kpiligh iyol, i mlu gbem, man i geman mayange ga. Sha u tesen tar er nongo ne Ngu u iwasen i Aôndo ishima shima je.
- Ka han je man se zough a mfewase u Yesu Kristu, Uma Na man ityesen Na ma nongo Naa?
Se zua a mfe wase u Yesu Kristu, Uma man ityesen Na man Nongo Na ken uruamabera MBA ken Bibilo mba se fatyo u pasen ser ka mkaanem man mimi yô.
- Aluer a pande mkaanem ma mimi kera yô, kanyi uruamabera mba ken Bibilo ve lu?
Aluer a pande mkaanem ma mimi man kera yô uruamabera mba ken Bibilo ka lmo I Aôndo lyol Na. Inja na yô er: Aôndo na ior mba ve nger uruamabera mban cighan jijingi U A tese ve iwanger sha er ver nger kwagh la a mtsum shio. Nahan ka Aôndo iyol Na je A nger uruamabera mbara ye.
- I pav Bibilo Nena?
I pav Bibilo ken avegher ahar: ityendezwa i Tse man ityendezwa i he. Ityendezwa i Tse ka uruamabera mba tseghan mbagise i nger cii man mve u Yesu Kristu, man ityendezwa i He ka uruamabera mbatseghan mba inger ken masejime u mve na.
