Aerenakaa a Mbaapostol 10:34a, 37-43
Se ya kwagh shi se ma kwagh a Na imiôngo, zum u A nder shin mbakpenev kera la.
Kwagh-ôron ken Aerenakaa a Mbaapostol
Sha ayange la: Pita bugh zwa kaa er, ‘ne ayol a en kpaa ne fa kwagh u a er ken Yudia la cii, hii hen Galilia, ken masejime u batisema u Yohane pase la; ka kwagh u Yesu Ornasareti la, u Aôndo haa Un Icighan Jijingi man agee; lu zenden, eren ityom i dedoo, waren mba diabolo eren ve ican la cii, gadia Aôndo lu a Na. Se yô, se mba mbashiada sha akaa a A er ken tar u Mbayuda cii, man hen Yerusalem kpaa, ve wua Un, ve mande Un sha kon. Ka Un je man Aôndo nder Un shin mbakpenev sha iyange i sha utar la ye, shi A na er A̱ ande, kpa kera lu hen nongoior la cii ga, saa hen mbashiada mba Aôndo vande sangen ve la, ka se je ne, se mba se ya kwagh shi se ma kwagh a Na imôngo, zum u A nder shin mbakpenev kera la Shi A wa se kwagh er se ̱ ôr nongoior la kwaghaôndo, shi se̱ pase kpaa er: Ngun ka u Aôndo ver Un Orjir u mbaumav man mbakpenev je ne.Uprofeti cii mba pasen Un er, ka ken iti Na je man hanma or u nan ne Un jighjigh yô, á de nan asorabo a nan ye.
Kwagh-ôron u Ter
Salm 118:1-2, 16-17, 22-23 (Mru. 24)
Ka iyange i Ter A er i je ne; se ember nen i saan se iyol sha i kpaa.
Wuese nen Ter, gadia A doo, gadia erdoo Na ka u tsôron gbem shawon je. Iserael a kaa er: ‘erdoo Na ka u tsôron gbem shawon je.’
Wegh ku yanegh ku Ter ku hema; wegh ku yanegh ku Ter ku kende m sha. Me kpe ga, me lu uma, me pase ityom Na.
Iwyen i mbamaan ve vende i la, ka je i hingir i sha zongo ye. Ka Ter A er tom ne ye, ka kwagh u kpiligh-yol sha ash ease.
Mbakolose 3:1-4
Ker nen akaa a Sha, henpe Kristu A lu la.
Kwagh-ôron ken waseka u Orjighjigh Paulu hen Mbakolose
Anngbyanev: aluer i nder ne a Kristu imôngo yô, ker nen akaa a Sha henpe Kristu A lu A tem ken uwegh ku yanegh ku Aôndo la. Ver nen ishima sha akaa a Sha, i ̱ de lu akaa a shin tar ga. Gadia ne kpe, uma wen yô i yer un a Kristu imôngo ken Aôndo Zum u Kristu u A lu uma wase la Una va ande yô, ne kpaa á ande a ven a Na imôngo ken iengem.
Kwagh-ôron u Ter
Angwe u Loho u Dedoo; 1Mbakorinte 5:7b.8a
Aleluia! Kristu wan-yôngo wase u Paseka kpaa, i sôngo Un kera; nahan yô se ya nen iniongo ken Ter a iember. Aleluia!
Jôn 201-9
Un a mogh shin mbakpenev keng
Lohodedoo sha wegh ku Orjighjigh Jôn
Tsô sha iyange i Lahadi la, Maria Magedalena va hen uwar la pepe, shi mgbeghôô, tsô a nenge i tôô iwen i sha uwar la kera. Nahan a gber ayem, a za hen Shimon Peteru man orhenen ugen u a doo Yesu ishima la, a za kaa a ve er: I dugh Ter ken uwar kera, man se fa henpe i ze ver Un ga. Ve uhar ve gba yevese imôngo; orhenen ugen la kar Peteru, vande za aren hen uwar la. Ngurum nengen ker yô, a nenge i ver akondo lu her kpa a nyôr ga. Tsô Shimon Peteru u a lu van un ken ijime la kpaa va, kar nyôr ken uwar la, a nenge i ver akondo lu her. Kpa adikpo u a lu Un sha ityou la, lu a akondo angara imôngo ga, kpa i lu ijiir igen kposo i hure un. Ve uhar ve gba yevese imôngo; orhenen ugen la kar Peteru, vande za aren hen uwar la. Gadia ve lu a kar icighanruamabera u a kaa er, Una nder shin mbakpenev keng la ga.
Lohodedoo u Ter
